Arti e munnizza

Poesia onirica ambientata nell'alieno tempo di mezzo.

Arti e munnizza

Palermu matri fu d'arti e sapìri,

cannìstru ri biddizza a nun finìri.

Un ventu tintu 'na maarìa cci fici:

'a ggenti pari comu... nun si rici.

Rintra 'i vanièddi muntagni 'i fumièri:

menu 'i rumàni chiossà ri l'ajeri.

Lu Re talìa, fa 'na gran risata,

s'asseggia nta la tavula cunzàta,

vivi, s'agghiutti un crastu sanu sanu,

vuota la facci, licca lu tiànu,

si cala 'nu cannuolu, 'na cassata e sìmina li resti strata strata, (girannu li trazzeri, 'a carni arrizza)

ô furasteri cci runa munnizza.

Testo di Leo Sinzi G. C.

PER ASCOLTARE QUESTO COMPONIMENTO DECLAMATO DALL'AUTORE CLICCA:

https://www.youtube.com/watch?v=3mUC3XyEyuY

TRADUZIONE PER I NON SICULI

Arte e immondizia

Palermo madre fu d'arte e sapere

canestro di bellezza a non finire.

Un tristo vento 'na magia le fece:

la gente pare come... non si dice.

Dentro i vicoli montagne di pattume:

meno di domani più di ieri.

Il Re osserva, fa una gran risata,

si siede nella tavola apparecchiata,

trinca, inghiotte un montone intero,

volta il viso, lecca la tortiera,

si cala un cannolo, una cassata e semina i resti strada strada,

(girando le trazzere, la pelle aggriccia)

al forestiero dispensa immondizia.

 

FOTO RACCONTATE DAL MEDESIMO AUTORE QUI: https://passeggiateitaliane.blogspot.com/

Intervista a Sua Eccellenza

Intervista a Sua Eccellenza

Salutu l'illustrissimu Zù Vanni
trent'anni nto Palazzu ri Normanni.

"E ura", ci abbannianu l'ingrati, "statti a to' casa!!"
Iddu, 'ntrobbitu, si nni futti, abbrazza e vasa
l'amici fedelissimi: 'u parrinu, 'a figghia 'i Michilinu,
Don Cecè, 'a soggira 'i Turriddu, e poi Ciccinu
(ca porta voti e voti, e 'n canciu voli... nenti)
'ntisu, pì cugghiunàri, 'u "Malamenti".

Vossia, Eccellentissima (sospira...),
è veru ca 'sta vota s'arritìra?

Mi vulìa ritirari, largu a 'sti picciuttazzi,
ma i "parrucciani" 'un vosiru e ficiru li pazzi:
canziarimi 'un si po', mi pari lariu,
mi tocca fari ancora 'u missionariu.

'A Trinacria è arraggiata, nn'havi chini 'i panari.
Li meriti nun mancanu, ma è certu d'acchianari?

Acchianu di sicuru: l'autri su' minchiùna,
cu chiddi jamu a cogghiri 'i muzzuna.

E lu programma? Senta, amicu caru
immantinenti vegnu e ci l'apparu:
vogghiu arricchìri... a tutti (semu a mari!),
a mia nenti mi trasi... chi ci pari?
Ccà ci lassu li pinni, si fatica
cu spiritu 'i Vangelu (nun lu dica).

(Chi cristianeddu bonu, senza pisu.
Onorevoli 'n terra e puru 'n Paradisu).



Versi e foto di Leo Sinzi/zio-silen

I personaggi citati nel componimento sono frutto di pura fantasia.

Per ascoltare questo componimento declamato dal suo autore con diverso sottofondo musicale clicca:
https://www.youtube.com/watch?v=wErU0jnw1dQ

TRADUZIONE PER I NON SICULI

Intervista all'Onorevole

Saluto l'illustrissimo Zio Vanni

trent'anni nel Palazzo dei Normanni.

"E ura", gridano gli ingrati, "statti a casa!!"

Lui, marmoreo, se ne fotte, abbraccia e bacia

gli amici fedelissimi: il prelato, la figlia di Michelino,

Don Cecè, la suocera di Turi, e poi Ciccìnu

(che porta voti e voti, e in cambio vuole... niente)

chiamato, per celiare, il "Malamente".

Vostra Signoria, Eccellentissima (sospira...),

è vero che stavolta si ritira?

Volevo ritirarmi, largo a 'sti ragazzacci,

ma i Siciliani non vollero e fecero i pazzi:

defilarmi non posso, sarebbe sgarberia,

mi tocca fare ancora il missionario.

La Trinacria è arrabbiata, ne ha piene le tasche.

I meriti non mancano, ma è certo della rielezione.

Sarò rieletto di sicuro: gli altri sono minchioni,

con quelli andiamo a raccogliere le cicche.

E il programma? Senta, amico caro

immantinente vengo e mi spiego:

voglio arricchire... a tutti (siamo a mare!),

a me niente viene... che Le pare?

Qua lascio le penne, si fatica

con spirito di Vangelo (non lo dica).

(Che cristianello buono, senza peso.

Onorevole in terra e pure in Paradiso).

PER NON DIMENTICARE LA LINGUA SICILIANA

FOTO RACCONTATE DAL MEDESIMO AUTORE QUI: https://passeggiateitaliane.blogspot.com/