Cuntu: "'U zitu ri Mimì"

Cuntu: ‘U zitu ri Mimì

Ciccinu… riccu d'unzi, mischinu,
strurúsu, siccu siccu: 'nu filínu;
lu mussu strittu: culu ri pipíu
sfici lu 'rrisu misi lu siddíu.
Vistíu lu mulu tuttu pinni pinni,
rissi:

 «sugnu li zitu. Ju nun vinni

p'i picciuli fitusi ru Funnu Cirimì,

ju vinni pí biddizzi ri Mimì».

«Zu Cicciu, mi cunfunni: ju mi 'ncugnu,
viríssi chi tignúsu juncu sugnu».

 (Lu murmuríu si 'ntisi prisicútu…)

 «Chi dici? Si' nu ciuri ri villutu».
(Duluri 'n cruci, puncinu, smirigghi,
'n funnu ru funnu ri cu vínni 'i figghi).

 «Curuzzu priziusu, nostru príu».
 Sugnu sulu 'mpirúgghiu.Vi schifiu!».
«Mi strudi lu disíu. Picchì nun dici sì?»
«Pí Rusulinu spinnu!» ci rispunníu Mimì.
«Rispiru lu rispiru, sugnu filici
di tinirizzi milli mi nni fici».
«Biii, chi furmiculíu! Pirdutu sugnu!»
Ciccínu strincíu la lupara 'n pugnu.

Russu si fici 'u suli, russu lu gilsuminu...
Fuíu, friddu di nivi, l’assassinu.
Ci fu rivúgghiu curtígghiu curtígghiu
liuníni li burgísi, cu pilu ri cunígghiu.

«Viníti tutti, Mimì muríu!!»
Nuddu si vitti... 'U cuntu finíu.


Personaggi:

Mimì, innamorata di Rusulinu, dai genitori offerta in sposa al ricco possidente Ciccinu;
Ciccinu, gretto, vanesio e violento proprietario terriero, innamorato di Mimì;
Rusulinu, contadino che ama, riamato, Mimì;
I Genitori, venali e cinici;
Li burgisi cu pili ri cunigghiu.


(Cuntu di Leo Sinzi/zio-silen)