MASCULIATA A LA MARINA
Ntra li vanèddi è tuttu un ciuciuliàri
(fièsta pî sparrittèri e curtigghiàri):
«vùgghiu e rivùgghiu ô Cassaru cchiù vàsciu».
Chi fu? Va 'ddumannànnu Turi 'u tasciu.
«A Don Milùzzu n casa l'asciucàru
e ô Zu Cirìnu, all'arba, l'astutàru».
Ntra la trazzèra nuddu s'arrimìna.
Lu Carru santu junci a la Marina.
E ntra manciàti 'i purpu a stricasàli
(lu turrunàru lu casteddu appàra)
a la Santuzza Palermu ci spàra
la masculiàta e 'u focu artificiali.
Componimento, in vernacolo palermitano, scaturito dalla fantasia di Zû Pippinu.
Nessun commento:
Posta un commento