'Na vota 'a Vucciria

Ieri sono andato alla Vucciria... mi è venuta voglia di riproporre questi miei versi:
 
'Na vota 'a Vucciria

Zú Ciccu, 'un cugghiunati, c'aviti?
Chi su' 'sti luccicuna ca spanniti?

Don Peppe, a vossia ch'è bonu e caru
vegnu e ci cuntu 'u fattu paru paru:
stavu 'nta 'na vanedda, a' Vucciria,
un paradisu 'n terra era pi' mia.
'Nto Cuntinenti ivu a travagghiari
p'i picciriddi pi' darici a manciari.
Passanu l'anni e 'u cori rici: torna!
A "Sant'Antoniu" la me' notti agghiorna.
Scinnutu lu scaluni... chi spaventu!
Sugnu orbu e macari nun ci sentu?
Nun sentu li stigghiola friccicari,
lu purpu, 'u pisci vivu è 'n funnu o' mari,
'un c'è frittula e mussu. E rascatura... nenti!
E l'abbanniata, unn'è? Unn'è 'a me' genti?
Mi vogghiu arruspigghiari: asciutti su' 'i balati!
Restanu sulu lacrimi salati.



Foto e versi di Leo Sinzi al secolo Peppino Cinà

Per ascoltare questa poesia declamata dal suo autore clicca:
https://www.youtube.com/watch?v=e0pStkJ7u0s

PER NON DIMENTICARE LA LINGUA SICILIANA