Mmèrnu

 Mmèrnu

Casuzza janca 'n pizzu a lu sbalancu:
'a turri, scampaniànnu, batti l'ura.
Scàvusu, giarnu, cercu cugnintùra.
S'appàgna, scavucìa lu Muncibeddu.

Chiòvu chiantàtu nta la cantunèra
firrìu comu 'na strùmmula pizziàta;
cumànnu nun ci sta, nè simanàta,
nta 'stu frivaru ru cinquantasei.

Piulìanu cicchitèddi nta l'agnùni
- lu nidu, 'nnivicàtu, s'acchiaccàu -
l'aluzzi stritti, 'a vucca sbarrachiàta:
'a cutri muddichèddi vurricàu.

Ntra la sacchètta 'bbrucia lu cutèddu:
tàgghiu pitittu, celu, fantasia;
'n terra cògghiu murtìdda e pampinèddi.
S'appàgna, scavucia lu Muncibeddu.

Versi di Leo Sinzi (zio-silen)

Per ascoltare questa poesia declamata dal suo autore clicca:
https://www.youtube.com/watch?v=CQE9iKjZTj4&t=22s


Inverno

Casetta bianca sull'orlo del baratro:
la torre, scampanando, batte l'ora.
Scalzo, smorto, cerco fortuna.
S'adombra, scalcia forte il Mongibello.

Chiodo piantato nella cantonata
giro come una trottola ferita;
non c'è lavoro, manca il pane,
in questo febbraio del cinquantasei.

Pulcini pigolano in un angolo
- il nido, innevato, è appeso a un filo -
l'ali serrrate, la bocca spalancata:
la coltre ha seppellito le mollichine.
 
Nella tasca brucia il coltello:
taglio fame, cielo, fantasia;
raccolgo da terra mortella e foglie.
S'adombra, scalcia forte il Mongibello.



Versi e foto di Leo Sinzi

PER NON DIMENTICARE LA LINGUA SICILIANA

 Si ricorda che la violazione del diritto d'autore (copyright) è perseguibile legalmente.

Rùmmulu

Rùmmulu

Scinnìu, santiannu, dalla sò muntagna;
li corna 'n testa, lu vastùni 'n pugnu:
«Iddi sunnu latrùna, ju nun lu sugnu;
corpu di sangu a 'sti magna magna!».
 
Lu 'ntisi Febu ca viri luntanu:
«mutu, carusu. Basta cugghiunàri!
Latri a lu suli e ntra negghia macàri.
Addisiàri lu mali nun è sanu,
 
porta raggia 'nto cori e ntra la menti,
spinna li ali a chiddi senza nasu,
mmarra paroli a cu parra vastàsu,
tagghia lu nerbu all'omini possenti».
 
Lu barbaru si misi 'u parrapìcca,
si livò l'elmu e puru li spuntùna,
iccò lu lignu e, nudu sutta 'a luna,
vagnò di lacrimuna 'a terra sicca.

Versi di Leo Sinzi (zio-silen)

Per ascoltare questa poesia declamata dal suo autore clicca:
https://www.youtube.com/watch?v=HqW6AVcvOvM&feature=youtu.be

Rumore

Scese, bestemmiando, dalla sua montagna;
le corna in testa, il bastone in pugno:
«Loro sono ladroni, io non lo sono;
morte colpisca questi magna magna!».
 
Lo sentì Febo che vede lontano:
«zitto, ragazzo. Basta coglionare!
I ladri al sole stanno ed anche nella nebbia.
Desiderare il male non è sano,
 
porta rabbia nel cuore e nella mente,
tarpa le ali a quelli senza naso,
toglie favella al querulo pacchiano,
consuma il nervo agli uomini possenti».
 
Il barbaro s'impose di tacere,
si tolse l'elmo e pure i pungiglioni,
buttò il legno e, nudo sotto la luna,
bagnò di lacrimoni la terra secca


Versi e foto di Leo Sinzi

PER NON DIMENTICARE LA LINGUA SICILIANA


Si ricorda che la violazione del diritto d'autore (copyright) è perseguibile legalmente.