Li tassi ri 'na vota mègghiu assai
ri mmèrnu sempri 'n sonnu... vìgghia mai
ma la munnìzza cu lu fetu forti
- nivi o sciròccu - arruspìgghia 'i morti.
'A tassa fumiràra s'arrimìna,
pitìttu havi... e mancia cchiù ri prima.
Vacanti, 'a genti, havi vucca e panza:
s'inzònna pisci friscu, ri paranza.
Li cristi vònnu pani da lu Re.
"Manciàssiru la tassa, a tinchitè".
'Sta gran minciàta arricògghi spàssu.
'Un sàpi, 'u crastu, ch'è tassa r'attassu.
Fantasioso scherzo in versi di Leo Sinzi (zio-silen) ambientato in un mondo distopico, nel tempo di mezzo.
PER NON DIMENTICARE LA LINGUA SICILIANA