domenica 20 ottobre 2013

Vigghianti 'n sonnu


Vigghianti 'n sonnu  
spardu lu me' scantu.
L'occhiu firrìu...
Lu vìu.

Ucci russi nta facci;
cannaròzzu arrascàtu;
s'ammuccia 'u celu 'n celu.

Li mammalùcchi, tutti mmisculiàti,
fannu risettu e jazzu ntra la plaja
- mari 'npruvulazzatu -
'nfuddùti pì la funcia ri lu verru
sùcanu vava e rùnfuli purcigni.

Setti Chisuzzi setti li pizzini
setti trummi cu ll'ali.
- Diminiscanzi! -
Arbuli sicchi, 'nchiappàti 'i giurani
e rospi 'n cruci stannu
rasSignati
pì quattru porti (setti?) sbarrachiàti.

S'astùta 'u suli, sentu tracculari.
Pì strata nun si viri pintimentu:
nta li cantuni sulu nuddu e nenti.




Versi di  Leo Sinzi



Si ricorda che la violazione del diritto d'autore (copyright) è perseguibile legalmente.

Nessun commento: