Araciu araciu acchianu pi' la timpa,
cercu lu celu e 'u Celu s'abbicìna.
Jùnciu a lu pizzu 'i ciauli cu suli ca s'appagna.
Lu jazzu... 'u so lamentu.. arrizzanu li carni.
Nill'occhi 'a chiana virdi 'i mannarìni
e 'n funnu, 'u mari ca spriluccichìa.
Punenti s'accalura: è tempu di fujri.
Un passu... e volu rittu a lu sbalàncu.
Levu li vrazza, gridu: matri mia!!
Idda, piatusa, la so manu duna.
Mi rici: veni! A rrassu mi canzìa.
'Na stidda adduma, 'u "sàutu" scurìa.
Rinòcchiu 'n terra chianciu, ridu e chianciu.
Versi di zio-silen
0 commenti - Scrivi un commento:
Posta un commento